2016թ-ի հուլիսի 17-ին «Սասնա Ծռեր» խմբավորումը գրավեց Էրեբունու ոստիկանության պարեկապահակային ծառայության գունդը (ՊՊԾ), ինչին հաջորդորդեցին մի քանի օր շարունակվող ցույցերը: Հուլիսի 29-ին Ազատության հրապարակից մեկնարկած երթի ցուցարարները Սարի թաղում և Խորենացի փողոցում բախվեցին ոստիկանների հետ: Ոստիկանությունը կիրառեց լուսաձայնային և գազային համակարգեր, որից տուժեցին շուրջ երեք տասնյակ լրագրողներ, Սարի թաղի խաղաղ բնակիչներ, այդ թվում՝ երեխաներ: Ըստ Խոսքի ազատության պաշտպանության կոմիտեի 2016թ-ի տարեկան զեկույցի հուլիսի 29-ը աննախադեպ էր ԶԼՄ-ների ներկայացուցիչներին թիրախավորելու առումով: ԽԱՊԿ-ի տվյալներով տուժել է 27 լրագրող և օպերատոր, որոնցից 19-ը ենթարկվել են ֆիզիկական բռնությունների՝ ստանալով մարմնական վնասվածքներ, 8-ը բախվել են տարատեսակ այլ ճնշումների և հետապնդումների: Սերժ Սարգսյանը, անդրադառնալով լրագրողների նկատմամբ կիրառված բռնություններին, հորդորեց մոռանալ կատարվածը՝ նշելով, որ անհրաժեշտ հետևություններ են արվելու: Մեկ տարի անց այդ դեպքերով հարուցված քրեական գործով 9 քաղաքացիական անձանց մեղադրանք է առաջադրվել, որոնցից 7-ը տուգանքով ազատ են արձակվել:
Տեսանյութը պատրաստվել է «Ֆոկուս» արվեստի ՀԿ-ի «Այլընտրանքային լուսաբանում» դասընթացի շրջանակում:

Տեսական մասի ղեկավար՝ Դավիթ Ստեփանյան

Գործնական մասի ղեկավար՝ Վահե Բուդումյան

Հեղինակ՝ Նանե Պետրոսյան

Օգտագործվել են՝ ArmLur.am-ի, CIVILNET-ի,   Ա1+-ի, President.am-ի տեսանյութերը:

Տարեկան զեկույցը՝

http://khosq.am/reports/%D5%B0%D5%A1%D5%B5%D5%A1%D5%BD%D5%BF%D5%A1%D5%B6%D5%B8%D6%82%D5%B4-%D5%AD%D5%B8%D5%BD%D6%84%D5%AB-%D5%A1%D5%A6%D5%A1%D5%BF%D5%B8%D6%82%D5%A9%D5%B5%D5%A1%D5%B6-%D5%BE%D5%AB%D5%B3%D5%A1%D5%AF%D5%AB-9/