15.12.2014-ին Երևանում կայացավ բողոքի ցույց՝ ընդդեմ վերջին օրերին ծավալված բռնությունների: Մի քանի օրվա տարբերությամբ հարձակումներից տուժել են քաղաքացիական ակտիվիստներ, ընդդիմադիր հայացքներ ունեցող ազատամարտիկներ և քաղաքական գործիչներ: Հանրության շրջանում կա կարծիք (որը հիմնված է կոնկրետ փաստերի վրա), որ ոստիկանությունն անմասն չէ քաղաքացիների դեմ ուղղված հարձակումների կազմակերպմանը և այժմ էլ չի կատարում իր պարտականությունները՝ հայտնաբերել մեղավորներին և պատասխանատվության ենթարկել: