2016 թվականի մարտի 1-ին ոստիկանները միտինգի ներկայացան ծաղիկներով՝ որպես հարգանքի տուրք 10 զոհերի հիշատակին։ Նրանցից ոմանք, վստահաբար, 2008-ի մարտի 1-ին մասնակցել են խաղաղ ցուցարարների վրա ոստիկանական զինված հարձակմանը և դրան հաջորդած դեպքերին։ Մեղավորները գործի շրջանակում բացահայտված չեն, և մինչ օրս ոստիկանները պարբերաբար բռնություն են կիրառում խաղաղ ցուցարարների նկատմամբ։