«Տրանսֆորմերը» շարժական բազմաֆունկցիոնալ մշակութային համալիր է, որը փոխակերպվում է բեմի, գրադարանի, համակարգչային լաբորատորիայի, կինոթատրոնի, ցուցասրահի և այլն: Շրջելով Հայաստանի տարբեր մարզերով` մեքենան կանգ կառնի տարբեր քաղաքների հանրային վայրերում` առաջարկելով մի շարք միջոցառումներ բնապահպանական, սոցիալական, քաղաքացիական ակտիվության, գենդերային և այլ հիմնախնդիրների շուրջ: Ծրագիրը ծառայում է որպես հարթակ ակտիվ մասնակցային գործընթացների, բանավեճի և կրթության, սոցիալ-մշակութային և քաղաքացիական երկխոսության համար` այդպիսով հանդես գալով որպես հանրային տարածքի յուրօրինակ մոդել:
Նախագիծը կարևորում է ժողովրդավարության զարգացման գործընթացում հանրային տարածքի դերը և հիմնված է համագործակցության և երկխոսության սկզբունքների վրա: Նախագիծը հանրային տարածքում հանդիպելու և երկխոսելու հնարավորություն է տալիս տեղային և գլոբալ հիմնախնդիրներով մտահոգ քաղաքացիական նախաձեռնություններին, կազմակերպություններին և տեղական համայնքների ներկայացուցիչներին: Խրախուսվում է ինչպես մարզային, այնպես էլ մայրաքաղաքային կազմակերպությունների ներգրավվածությունը և մարզեր-մայրաքաղաք, ինչպես նաև միջմարզային հասարակական երկխոսության հաստատումն ու զարգացումը: Այս կերպ միավորելով բոլոր շահագրգիռ կողմերին` նախագիծը կփորձի բացահայտել հանրային տարածքների օգտագործման նոր և օգտակար ձևեր:
Նախագծի իրականացումը հնարավոր է դարձել Ժնև քաղաքի ֆինանսական աջակցության շնորհիվ:
Նախագծի հեղինակներ`արվեստագետ Աննա Բարսեղյան (Ժնև/Երևան)
ճարտարապետ Ստեֆան Պրես (Ժնև)
Նախագծի ղեկավար` Նորա Գալֆայան
Նախագծի համակարգող և պատասխանատու` Գոռ Ենգոյան
Աշխատանքային խումբ`
Աննա Ավետիսյան` հանրային կապեր, ֆանդրեյզինգ, հաշվետվություններ /ֆրանսալեզու, հայալեզու/
Արմենակ Գրիգորյան` համակարգողի օգնական, վարորդ,
Դավիթ Ստեփանյան – արխիվավորում:
Դիանա Չոբանյան` հանրային կապեր, ֆանդրեյզինգ, հաշվետվություններ /անգլալեզու/
Նարեկ Թորոսյան`ճարտարապետի օգնական, տրանսֆորմացման պատասխանատու,
Վահե Բուդումյան`գրաֆիկական դիզայներ
Նախագծին մասնակցության հայտ ներկայացնելու համար դիմել
transformer@utopiana.info հասցեով:
Մանրամասների համար`
Հեռ. + 374 55 36 03 41
